Карьерийн зөвлөхүүдийн зорилго: Бид сурагчдын ур чадвар, зан төлвийн онцлогийг мэргэжлийн сэтгэлзүйн сорилын аргаар тодорхойлон, үр дүнд суурилсан хувь хүний зөвлөгөө өгч ажилладаг. Энэхүү зөвлөгөөг танилцах дадлага, мэргэжлийн дадлага болон сайн дурын ажилтай уялдуулан хэрэгжүүлснээр сурагчид ажлын байрны бодит орчин, үйл явцтай танилцах боломж бүрддэг. Манай цогц хөтөлбөрийн зорилго нь сурагчдыг өөрийн авьяас, сонирхол, онцлогт нийцсэн мэргэжлийг шинжлэх ухааны үндэслэлтэйгээр, оновчтой сонгоход нь зөвлөн чиглүүлэхэд оршино.