Хөгжиж, бүтээж, хамтдаа амжилтад хүрэх орчин

Улаанбаатар Эмпати сургууль нь сурагч бүрийг дэмжсэн эерэг уур амьсгал, аюулгүй, тав тухтай сургалтын орчныг бүрдүүлдэг. Сургуулийн анги танхим, номын сан, лаборатори, урлаг спортын заал зэрэг бүхий л орчин нь суралцах идэвхийг дэмжсэн, бүтээлч сэтгэлгээг хөгжүүлэхэд чиглэгдсэн байдаг. Багш, сурагч, ажилтан бүрийн харилцаа нь харилцан хүндлэл, дэмжлэгт тулгуурладаг тул сурагчид өөртөө итгэлтэй, бүтээлч, хариуцлагатай иргэн болон төлөвших суурь нөхцөл энд бүрдсэн байдаг.

Сургуулийн амьдрал

Улаанбаатар Эмпати сургууль нь 1994 онд байгуулагдсан цагаасаа хойш 30 жилийн турш сурагчдынхаа авьяас чадвар, хувь хүний хөгжлийг дэмжих цогц орчинг бүрдүүлсээр ирсэн. 2024-2025 оны хичээлийн жилд тус сургууль нь 442 сурагч, олон улсын болон монгол багш нарын баг бүрэлдэхүүнтэйгээр сургалт, хүмүүжлийн үйл ажиллагаагаа явуулж байна.

Сурагчдын өөрөө удирдах зөвлөл (Student Council)

Сургуулийн амьдралын гол хөдөлгүүр нь сурагчдын оролцоо юм. Сурагчдын зөвлөл нь 2015 онд байгуулагдсан бөгөөд 9 дэх жилдээ идэвхтэй ажиллаж байна. Энэхүү зөвлөл нь:

  • Багш, сурагч, ажилчдын хоорондын харилцааг холбох гүүр болдог.
  • Сургуулийн үйл ажиллагаанд дэмжлэг үзүүлж, сурагчдын санаачилсан өдөрлөг, арга хэмжээг зохион байгуулдаг.

Сурагчдын хөгжлийн клубууд (Student-led Clubs)

2024-2025 оны хичээлийн жилд сурагчид өөрсдийн сонирхолд тулгуурлан дараах клубуудыг удирдан явуулж байна:

🤝 Нийгэм, хүмүүнлэгийн чиглэл

  • Улаан загалмай (Red Cross): Баянзүрх дүүргийн Улаан Загалмайн нийгэмлэгт албан ёсоор элссэн, 62 гишүүнтэй. Хүмүүнлэгийн үйлсэд сурагчдыг уриалан оролцуулдаг.
  • Ukiyo: Сайн дурын ажил болон урлагт суурилан үйл ажиллагаа явуулдаг. Үндэсний Хавдрын Зөвлөл зэрэг байгууллагад хандив өргөдөг.
  • Athena: Манлайлагч сурагчдын нэгдэл. Доод ангийнхандаа туршлагаа хуваалцаж, ментор хийх зорилготой.

🧠 Эрдэм шинжилгээ, оюун ухаан

  • Инвикта (Invicta): Илтгэх урлаг, мэтгэлцээний клуб. “Мэтгэлцээн бол өрсөлдөөн бус соёл юм” уриатайгаар сурагчдын шүүмжлэлт сэтгэлгээг хөгжүүлдэг. Монголын Карл Попперийн Мэтгэлцээний нийгэмлэгийн гишүүн.
  • Kaizen’s Gambit: Шатрын клуб. Сурагчдын логик сэтгэлгээ, шийдвэр гаргах чадварыг хөгжүүлдэг бөгөөд одоогоор 52 гишүүнтэй.
  • Busy: Бизнес сэтгэлгээг хөгжүүлэх клуб. Сурагчдад бизнес эхлүүлэх, төсөл хэрэгжүүлэх, багаар ажиллах чадварыг олгодог.

💻 Технологи ба Хувь хүний хөгжил

  • Astralite: Код бичих сонирхолтой сурагчдад зориулсан, туршлага хуваалцах клуб.
  • Ascenthos: Медиа ур чадвар (постер, бичлэг хийх) болон эерэг харилцааг төлөвшүүлэх клуб.
  • Humble: Спортоор дамжуулан сахилга бат, төлөв даруу зан, зөв дадал хэвшлийг олгох зорилготой.

Сонирхлын дугуйлангууд (Teacher-led Circles)

Сурагчдын авьяасыг нээн илрүүлэх зорилгоор мэргэжлийн багш нарын удирдлага дор дараах дугуйлангууд хичээллэдэг:

🎨 Урлаг, спорт

  • Волейбол, Сагсан бөмбөг
  • Шатар, 100 буудал даам
  • Гар зураг, Гар урлал
  • Гитар, Цахилгаан хөгжим, Төгөлдөр хуур

🔬 Шинжлэх ухаан, технологи

  • Квант физик (Сургуулийн захирал Г.Олдохзаяа удирддаг)
  • Кодчилол (Coding)
  • Робот зохион бүтээх
  • Инженерчлэл

Тав тухтай орчин

Сургууль нь сурагчдын сурч боловсрох таатай нөхцөлийг бүрдүүлэх үүднээс дараах үйлчилгээг үзүүлдэг:

  • Дотуур байр: Сурагчдын аюулгүй байдал, тав тухыг хангасан байр.
  • Өдрийн хоол: Эрүүл, шим тэжээлтэй хоолоор үйлчилдэг.